Bhaisahab..!!

The Gods have woken up from their slumber and the spring-breeze is flowing again… ppl its marriage-season for 2011!!! And the inauguration for the 2011 matrimonial yr was done by none other than our beloved Bhaisahab. Fresh from the pink moods of Feb 14th, ‘Gupta’ dearest was all set and bubbling for his first ( 😛 ) marriage.

Ek to ghar ka laad-pyaar unki extended tond pe tiki sherwani se saaf jhalak raha tha. Upar se shaadi ki khushi mein wo phule nahi sama rahe the.. Khaer, baraat aayi aur LED se susajjit ghode pe neem ki daali pakde attention-pose mein baithe gupta ji ksi rajput se kam na lag rahe the. GulaabPhool band ke lead vocalist ki “Tinku Jiya” pe unhone jo kamar machkayi uspe to Helen bhi sharma jaayen!! In the mean time college ke hum 20-22 nikamme wahan pahunch hi gaye the.

Well, humare bhaisahab stage pe king-size sofe pe baith to gaye, par unka dhyan kahin aur hi tha.. kya karte, humari soon-to-be bhabhiji abhi aayi hi nahi thi. Thodi der baad jab showering rose petals ke beech mein se chalte hue bhabhiji stage pe chadhi to guptaji aise khush hue ki maano takle ke sar pe do baal ug aaye hon!!!

Isi beech hum (pawan, jonwal, raju, sisodiya, vinay, vivek, girish, saurabh, khetan, ritesh, goutam, aviral, prachi, suman, vinod, yaadu etc etc) bade dino baad ek doosre se mil rahe the. Bada hi ulti wala mahol tha. Idhar hum pet-puja kar rahe the aur udhar bhaisahab naye utsaah aur umang ke saath duet aur solo mode mein photo khichvaye pade the.
Hum ummeed karte hain ki unki ye muskaan rest of the married life k liye aise hi barkaraar rahe aur saath hi ye kaamna bhi karte hain ki jis saal ki shuruat aise josh k saath hui hai usme aage chal k bhi kuch aur aise veer shaheed hon…
Jai Hind